.

በማዳበሪያ መርዝ፣ ተብክሎ አፈሩ፣

በሞት ጥላ ግርዶሽ፣ ተከልሎ ምድሩ፣

እንደ ቅጠል ሲረግፍ፣ በላዩ ፍጥረቱ፣

የሞት ሳል ይስላል፣ እንደ ሰው መሬቱ።

ሙሉውን ግጥም ያንብቡ

ተረት ልንገርሽ ህይወቴ፣

እንቺ አድምጪኝ በሞቴ፣

ተረት ቢሉሽ ተረት ተረት፣

የዘመነኛችንን ምጥቀት፣

አዲሱን ኢትዮጵያዊነት

እየጠፉ አለሁ ማለት፣

እየጠፉ ያልፋል ማለት፣

ተረት ትረት።

ሙሉውን ግጥም ያንብቡ…

ምትክ ለልጆችሽ፤

ላንቺ በደከሙ ላንቺ በሞቱልሽ፤

እነማንን ተካሽ ?!

እነማንን ወለድሽ ?!

ሙሉውን ግጥም ያንብቡ…

መቼ ንብረታቸውን፣ ባንካቸውን ደፍሮ፣

ጣቱን ቀስሮ እንጂ፣ መቼ እጁን ሰንዝሮ፣

ገዳዩስ ድምፁ ነው፣ ጠንቀኛው ጉሮሮ።

ልጄ አፍህን ዝጋ! አታልቅስ ላይረባ፣

በየአምስት አመቱስ፣ እኔስ ለምን ላንባ፣

ድምጽህ ጠላትህ ነው፣ ጉልበትህን ገንባ።

ሙሉውን ግጥም ያንብቡ …

ሀማ ቱማ

ቆሞ መሄድ ከብዶ፣ ሰብዕናን ጠብቆ፣

መንበርከኩ ሰፍኖ፣ ከጭቃው ውስጥ ገብቶ፣

የሰው  ሰውነቱ ትርጉሙ ሲፈለግ፣

ባሻገር፣ ባሻገር

ከአስመሳይነቱ፣

ከአፋዊው ፋኖ፣

ሙሉውን ግጥም ያንብቡ …

አሥራደው (ከፈረንሳይ)

አንደኛው  አግኝቶ፣  ውዴ  ፍቅሬ  ሲላት፣

ሌላው  በማጣቱ፣ ጧት  ማታ  ሲመኛት፣

የውበት  ዕድምተኞች፣  እያዩ  ሲያደንቋት፣

ያላየው  እያየ፣  ውበቷን  ሲጎመዥ፣

ምኞቱን  ለማስመር፣  ዐይኑ  ሲንቀዠቀዥ፣

የሰማው ላልሰማ፣ ዝናዋን ሲረጨው፣

በውበት ረሃብ፣  ምራቁን ሲያስውጠው፣

ያገኛት ሲጨፍር፣  ልቡ ጮቤ ሲረግጥ፣

በውበቷ ነዶ፣  በውበቷ ሲቀልጥ፣

በምኞት ጧት ማታ፣ ያጣት ሲቁነጠነጥ፣

አካሉ ሲፈላ፣ ጨጓራው ሲመለጥ፣

በድንገት ያያትም፣ አድናቆት ሲቸራት፣

መች ያለ ምክንያት፣ ቆንጆ አርጎ ፈጠራት ?!

ነው እንጂ እንዲያደንቃት፣

ሁሉም እንዲመኛት ::

የራሱን ተፈጥሮ፣ የራሱን ማንነት፣

እንዲችል ለማየት፣

በቆንጆዋ ውበት።

ከጥንቱ ሲፈጥራት፤

አረጋት መስታወት፤

ለራስ መመልከቻ፣ እኔስ ማነኝነት ::

ስለዚህ !

የሚታይ ተፈጥሮ፣ የሚናፈቅ ውበት፣

እንዴት ተደብቆ፣ ይቀራል ከማጀት ?!

ወቶ ባደባባይ፣ መታየት አለበት፤

መደነቅ አለበት !!

እናም !

ቆንጆ የሁሉም ናት !

ማነው የስስታም፣ ያንድ ሰው ያረጋት ??!!

ለመላው ሴት ልጆች መታሰቢያ ትሁንልኝ ታኅሳስ 10 ቀን 2002 ዓ.ም. (19 /12/2009)

ከስንኟ ቋጣሪ ሃሳብ መወራወር ለሚሹ በ asradew@live.fr ያገኙታል ::